FACEBOOK
tigibu_news
Үстүбүздөгү жылдын 8-декабрь күнү Дунган таануу жана синология борбору 90 жылдык мааракесин белгиледи. Тарых, археология жана этнология институтунун дунган таануу жана синология борборунун түзүлгөндүгүнүн 90 жылдыгына арналган “Кыргызстандагы дунган таануу: тарыхы жана келечеги” аттуу эл аралык илимий-практикалык конференция Кыргыз Республикасынын Улуттук илимдер академиясында болуп өттү. Бул тууралуу КР Улуттук илимдер академиясынын Дунган таануу жана синология борборунун улук илимий кызматкери, филология илимдеринин кандидаты Исмаева-Имазова Рахима билдирди.
Берилген маалыматка ылайык, бул иш-чара эл аралык деңгээлде өткөрүлүп, бир нече мамлекеттин алдыңкы окумуштууларын бир арага чогултту. Борбордун бардык кызматкерлери бул мааракеге абдан узак убакыт жана кылдаттык менен даярданышкан. Атайын маалымат баракчалары даярдалып, ал жерде борбордун түзүлгөн тарыхы, анын өнүгүүсүнө салым кошкон инсандар, азыркы мезгилде борбордо иштеп жаткандар жөнүндө жазылган. Ошону менен бирге ушул убакыт аралыгында жарыкка чыккан эмгектер дагы тизмеленген.
Иш-чара атайын Пленардык отурумдар жана секцияларда жасалган докладдар менен коштолуп, кеңири программада иштелип чыкты. Бул эл аралык илимий-практикалык конференция мыкты деңгээлде өткөрүлүп, бардык катышуучулардын жогорку баасына татыды.
Чолпонай ТУРДАКУНОВА
